Dòrlach Sìl

’S e seo a’ chiad chruinneachadh de na sgeulachdan goirid aig Maoilios Caimbeul, a tha a’ sìneadh gu iomadh àite, bho Pharis gu Ierusalem, bho Nis gu Henley-on-Thames.

Tha feadhainn dhiubh èibhinn agus feadhainn eile nas doimhne agus tha iad a’ dol air ais agus air adhart ann an tìm. Coinnichidh sinn ri teaghlach a chaidh a losgadh a-mach às an dachaigh aca ann am Bad an Loisgein anns an 19mh linn agus ri Cindy agus Dez a shiubhail gu Màrs agus air ais. Coinnichidh sinn ri Tim, am feòil-sheachnair à Glaschu agus ris an Urramach Bhaltair MacAnndrais agus am mèirleach a thug dùbhlan dha air an trèan.

Tha an saoghal os-nàdarra a’ suathadh ri ceithir de na sgeulachdan. Cruinneachadh tlachdmhor a bhios na adhbhar gàire agus na adhbhar smaoineachaidh don leughadair.

These riveting stories stretch from Paris to Jerusalem, from outright hilarity to deeper, darker tones. The tales span from the 18th century Clearances to far into the future, when we will be living on Mars! Poetic writing combined with strong dialogue create funny and thought-provoking moral tales intertwined with themes of Celtic lore, religion and the supernatural in Gaelic.